العمل في بلدى أما السفر للخارج
و هنا يجب انا اضع بعض النقاط المهمة بخصوص التجربة بشكل كامل لابد من اعتبارها و الوقوف عليها بشكل كامل (هعرض بعضها هنا قدر ما استطيع)
العمل في بلدى أما السفر للخارج
نقاط مهمة و عامة بشأن السفر
- راجع شخصيتك و اعرفها جيدا، هناك اشخاص ابتعادهم عن الاهل لمدد طويلة يسبب لهم اكتئاب و مشاكل نفسية، و آخرين العكس تماما و بين الطرفين يوجد درجات بينهم مختلفة من الحنين؛ اعرف نفسك و شخصيتك
- ليه عايز تسافر؟، سؤال مهم جدا ، لازم تكتب كتير في الامر وكل الاجابات اللي في ذهنك و في اوقات مختلفة في الكتابة، لان معرفة السبب فيه نصف الجواب و الوعي به
- خلي بالك في اسباب غطاء و اسباب حلة 🙂 (التسمية دي من عندي عارفة حلة او طنجرة الطبخ لها غطاء، فيه اسباب للامر بنحكيها للناس و تبدو انها حقيقة “و بنسبة كبيرة في منها حقيقي، لكن الحلة “داخل الانسان” يوجد اشياء اخري هي حقيقة اكثر، فالانسان يغطي دائما نفسه بما يحب ان يراه الناس من حوله مناسب و يبرز التعاطف معه، مثال لذلك ، لو رجل يريد أن يشتغل في وظيفة ما و يحتاج لدبلومة محددة؛ يسأله الناس: هل التحقت بالدبلومة؟؛ يرد عليهم و يقول للاسف لم استطيع الالتحاق و السبب (اصل مفيش وقت، مشغول في الشغل القديم، مصاريف الاولاد؛ لو نظرت بعين الفاحص لكل هذه الاسباب ستجدها حقيقية و لا تستطيع لومه؛ و لكن هو الوحيد من يمتلك الحقيقة و الاسباب الحقيقية ممكن ان تكون هي خوفه من الفشل في هذا السن؟، خوفه و قلقه من الالتزام، ماذا بعد الدبلومة مش يمكن لا التحق بالعمل “خوفه من عدم تحقيق النتائج”؛ الشاهد مما سبق عندما تكتب الاسباب للسفر خليك فاكر ان فيه اسباب حلة و اسباب غطاء، ركز علي معرفة الاسباب الحقيقية
- خليك مع نفسك واضح و محدد قدر الامكان في السبب الذي تريد السفر عشانه، حتي لا يضيع عمرك و أنت مغترب بلا جدوي
العمل في بلدى أما السفر للخارج
- لو عايز تسافر عشان تحصل علي خبرة؛ ابدأ في بلدك سنة او اتنين و اتعلم تكون معقول في السوق و فاهم فيه، ممارسة البيزنس مهمة كبداية عشان تتعلم تتفاوض و تناقش و تقف علي ارضية ممتازة لنقطة البداية، متزودش مجاهيل المعادلة، كلما زادت مجاهيل المعادلة كلما كانت الخسارة اعلي لان عدد المحاولات للنجاح يتناسب طرديا مع عدد مرات المحاولات لحل المجاهيل عندك بمقدرا يزيد عن عدد المجاهيل مرفوع لاس ٣ 《( عدد مرات المحاولات المؤدية لنتائج مختلفة يمكن ان تصل للنجاح = (عدد المجاهيل المعلومة و غير المعلومة )^3 بشكل تقريبي ، يعني لو انت هتشتغل في بلدك كبداية عندك مجهول في التعامل مع الشركة و مجهول في التعامل في مجال عملك حتي لو كنت تعمل في مجال دراستك و مجهول في تعاملك مع الناس و المكان؛ انت دلوقتي بتشتغل في بلدك 50% من المجاهيل السابقة معلومة لديك لانك تعلم عملة البلد و هناك السند و الاهل و نفس العملة و هناك من يمر بنفس التجربة؛ بذلك عدد المحاولات للنجاح هتكون اقل ممن لو سافرت ، لان في السفر انت لا تعرف اغلب الناس و لا الطباع و لا شكل السوق ؛ عدد المجاهيل هيزيد و الغريب اعمي لو كان بصير
- لو عايز تسافر عشان تحوش قرشين لانك في بلدك مش هتقدر ، دي سبب وجيه جدا و محترم جدا، ابحث في البداية عن البلدان المناسبة قبل السفر، لأن في الواقع ان هذا الامر كان متاحا فيما سبق و في بلدان كتيرة، منذ ٤٠ عام و اكتر، لكن في خلال العشرين السنة الماضية؛ اصبح الكثير من الدول خارج حدود بلدك واعي بأن من يعمل فيها من العمالة المقيمة لابد ان ينفق ما يقارب ٨٠% من دخله أو أكثر في نفس البلد حتي يكون اقتصادها هايل و لا تخرج اموالها بر حدودها كما كان يحدث سابقا
العمل في بلدى أما السفر للخارج
- لو عايز تسافر عشان شغل أفضل و دخل كويس، حقك تماما و شيء جميل، لكن هل جربت تشتغل اونلاين ك freelancer و تصبر عليه؛ هناك اشخاص اكثر مما تتخيل هذه الايام بات يعلم ان الوظيفة احد مصادر الدخل و ليست كل مصادر الدخل، فيعمل في وظيفة و يكون مصادر و استثمارات للدخل له متعددة
- فيما سبق من السنين كان لابد ان تخرج بره البلد و تعمل في وظيفة هائلة و وضع مالي مناسب،و الفرص المميزة تحصل عليها أما بالواسطة او بالسفر، الواقع الحالي، لم تعود محتاج لهذا الامر بشكل كبير (في جزء من الاحيان)، لان الاونلاين سبب جزء من التواصل الغير مسبوق في تاريخ الانسانية، هذا لا ينفي انها مازال هناك الكثير من الفرص المتاحة خارج حدود بلدك و يمكنك الحصول عليها
- لو عايز تسافر عشان عيشة افضل و صحية افضل و حياة فيها رفاهية مختلفة و افضل، جميل جدا، و هناك دول متعددة تعطيك هذا الامر، فكون حريص من البداية علي اختيار هذه البلدان عند السفر، و لكن خليك فاكر ان كل شيء له مقابل؛ و هذه الجملة ليست من باب التخويف او ما شابه؛ لكن إثبات الحقائق؛ لو سافرت لبلدان معينة ممكن تحصل علي رفاهية و حياة مميزة و في المقابل الشغل كثير بلا وعي؛ لو سافرت بلدان اخري ستدفع الثمن هناك من احترام لسياسات خاصة او تفرقة بشكل ما، بلدان اخري شكل الطقس مكن يكون تمن للتواجد فيه، كل شيء و له ثمن، حتي في بلدك
العمل في بلدى أما السفر للخارج
- بمناسبة كل شيء و له ثمن؛ احيانا ندفع الثمن و لا ندركه الا بعد مرور السنين، هناك ثمن مرئي و ثمن غير مرئي في أي تصرف او قرار او اختيار، مثال علي ذلك تحميل ملف لكتاب اونلاين؛ الثمن المرئي هو المبلغ الذي قمت بدفعه للموقع؛ و الثمن الغير مرئي هو ثمن الانترنت او الباقة للتحميل؛ وقتك في الانتظار، مساحة التخزين المجانية في مقابل المعلومات التي حصل عليها الموقع عنك و امور اخري سواء مرئية او غير مرئية، الغير مرئية اصعب من الخيال و خصوصا أنك لا تلمسها حاليا علي سبيل المثال حملت الملف في ٣ دقائق ، بالنسبة لك ٣ دقائق و لا شيء، لانك تحسب عمرك بما تحلم به من سنين قادمة ليست في يدك، لو حسبت عمرك بالدقائق لقدرت القيمة لشخص محتمل يموت خلال ربع ساعة ستعلم ان ٣ دقائق عالم من الحياة )الكلام هنا موجه لنفسي قبل اي شخص)
العمل في بلدى أما السفر للخارج
- لو عايز تسافر عشان تحصل علي جنسية افضل، ممتاز و مفيش اي مشكلة و خصوصا ان هناك دول تميز اصحاب جنسية معينة عن مواطينها اصلا، و هناك من يميزهم بشكل ما ليس عن المواطنين و لكن عن المقيمين المغتربين؛ تذكر فقط ان مهما اختلفت الجنسية من يتصرف و يتعامل مع الآخرين و الاهل هو أنت كشخص و ليست الجنسية
العمل في بلدى أما السفر للخارج
- لو عايز تسافر عشان المنافسة في بلدك اصعب من الدول الأخري علي الوظايف ؛ سبب ممتاز؛ ابشرك ان المنافسة مع جنسيات اخري اصعب و في ظل ان العامل المالي كالراتب مثلا ممكن يكون سبب رئيسي في تحديد الفائز بالوظيفة ، الوضع يصل احيانا لمأسي مضحكة؛ مثلا لو شخص هندي و شخص عربي بتنافسوا علي وظيفة في بلد خليجي؛ الهندي يمكن ان يقبل بهذا الوظيفة لو كان الراتب مثلا الف دولار بما يعادل قيمة عملة البلد و الشخص العربي من الصعب ان يقبل بهذا المبلغ؛ و السبب ان الهندي عنده من نوعية الحياة ما يستطيع ان يعيش و يدخر من هذا المبلغ في حين أن الشخص العربي لا يستطيع، هوضح بمثال أكثر؛ في ثقافات بعض الدول ليس عيبا ان يسكن الاعزب مع المتزوج بأسرته في نفس الشقة و يتم تقسيم الشقة و الحمام و المطبخ مشترك للكل نساء و رجال و اطفال؛ مما يخفف تكاليف السكن؛ و في ثقفات اخري لا يستطيع الشخص المتزوج مع اسرته ان يشارك الحمام و المطبخ مع عزاب متنوعين
العمل في بلدى أما السفر للخارج
- لو عايز تسافر عشان تشوف العالم و تلف الدنيا و تروح اماكن و ثقافات جديدة؛ دي سبب هايل، و ممكن تتابع صفحات علي الفيس بوك؛ اصحابها لفوا دول كتير و بأقل التكاليف و كانت رحلات هايلة و علمتهم كتير؛ و انصح اي شخص يسافر كام دولة في حياته؛ و يجعل السفر جزء اساسي في حياته و يتفرج علي الثقافة و الدنيا و يتعلم عشان يعرف ان العالم مش هو البيت و لا هو الكنبة و لا هو الشارع اللي ساكن فيه؛ العالم اوسع من فكرة ان هو لوحده اللي الكون بيدور حواليه
العمل في بلدى أما السفر للخارج
- لو الفلوس عشان العيشة السبب في السفر، ابحث عن مصادر رزق متنوعة و متعددة؛ و متنساش لا تتدور في فلك طلبات الناس او تقييمهم للامور؛ يعني اللي ولاده في المكان الفلاني افضل من ولادي؛ لأ طبعا انا هستلف و ادخل عيالي هناك؛ متلفش في عالم الناس فيه بتعلي علي بعض في الفلوس و الحياة و كل شيء؛ النصيحة دي لنفسي قبل أي شخص
العمل في بلدى أما السفر للخارج
- لو هتسافر عشان الخصوصية و قراراك يكون من دماغك و تعتمد علي نفسك، ابدأ اعمل دي و أنت في بلدك و اتعلم تعمله كويس، و خلي بالك الاستعانة بالخبرة الصح و في مكانها هيكون فارق؛ يعني لو عايز تشتغل و تعمل مشروع خاص مينفعش و لا يصلح ابدا انك تأخذ رأي موظف حكومي؛
العمل في بلدى أما السفر للخارج
- خلي بالك من نقاط أخري و هي الارتباط و الأطفال و تربيتهم و البيئة المناسبة لما تؤمن به؛ كل دول عوامل مهمة
- الجواز؛ تسافر ٥ سنين بره بلدك و تيجي فجأة عايز تنزل تختار عروسه في ظرف اسبوعين و تتجوز و تسافر، هو صحيح الجواز فيه شبه من البطيخ؛ لكن متزودش احتمالات الاختيارات الخطأ بهذه الطريقة المشهورة بين المسافرين للخارج
- الاولاد و تربيتهم، في الوضع العادي تربية الاولاد صعبة جدا لدرجة أنها سهلة جدا في معادلاتها لكن تنفيذ هذه المعادلات صعبة جدا، و خلي بالك لست أنت وحدك من يربي؛ الحي كله بما فيهم زمار الحي يربي أولادك، و في هذه الايام حتي زمار التيك توك يربي معاك اولادك؛ فحاول قدر الاستطاعة اختيار ما يناسبهم من البلدان
العمل في بلدى أما السفر للخارج
- لو مسافر لمدة بسيطة تعمل قرشين و ترجع بلدك؛ ابشرك ان اغلب الناس قالت كده برده و بقالهم سنين بره
- لو الاحداث اللي بتحصل للناس القريبة من المسافر، مهمة بالنسبة له بس مش الفرق الكبير في حياته؛ زي فرح الاخت و موت الاب و الام و ما الي ذلك؛ مفيش ازمة من السفر؛ السفر مليان بحكايات دموع عن فقدان الاب و الام و اللي لهم سنين مسافرين و مقدروش ينزلوا قبل و اثناء لحظات الوداع، و الكلمة اللي كانت بتتقال ان شاء الله هشوفهم السنة الجاية و هم هيكونوا كويسين؛ و جت السنة الجاية و هم مش موجودين؛ الفلوس مهمة لانها بتساعدك علي العيشة المرفهة و لكن العلاقات الحلوة و الذكريات الجميلة فارقة؛ و مش معني كلامي ان فيه شيء قصاد شيء؛ يعني يا يكون معايا فلوس يا اعمل ذكريات؛ لكن خلي بالك احسن تسرقك الحياة من انك تعيش الحياة نفسها.
العمل في بلدى أما السفر للخارج
- لو هتنزل و هتلاقي الناس اتغييرت من جواها عن اللي انت سبتهم فيه؛ متلومهمش؛ لان التغيير مش بيحصل في يوم و ليلة؛ التغيير بيحصل خلال زمن و انت مكنتش موجود في هذا الزمن؛ انت معشتش لحظات تعبهم و فرحهم عشان تعرف هذا التغيير
العمل في بلدى أما السفر للخارج
مما سبق ممكن تشعر أن لسان حالي بيقول متسافرش؛ في الحقيقة انا مش بقول كده، انا بعرضلك العالم ببساطة و الدنيا اللي حواليك و فكرة السفر من كل جوانب أنت مش شايفها لانك مركز في فكرة وحيدة و مركز عليها دماغك
يمكنكم مشاهده أيضا
لماذا يبحث الشباب العربي عن الوظائف أكثر من إنشاء المشاريع الخاصة؟
كيف تحصل على عمل إذا فقدت وظيفتك أثناء تفشي وباء كورونا؟
كيف يحقق الإنسان التوازن بين الحياة العملية وحياته الشخصية؟
تحميل احدث قالب سيرة ذاتية مدفوع الثمن بالمجان يدعم العربى والإنجليزى بصيغة الورد
